पीरली गावात जुगार रंगात असतानाच पोलिसांचा छापा; घनश्याम उतानेसह चौघे अटकेत

भद्रावती (जि. चंद्रपूर) ,दि. २४ जानेवारी २०२६

भद्रावती तालुक्यातील पिरली येथे सुरू असलेल्या जुगार अड्ड्यावर भद्रावती पोलिसांनी अचानक छापा टाकत चार जणांना रंगेहात अटक केली असून सुमारे ४ लाख २९ हजार ५१० रुपयांचा मुद्देमाल जप्त करण्यात आला आहे.

या दरम्यान पिरली (ता. भद्रावती) येथे काही इसम सलग ५२ तास पत्त्यावर पैशांची बाजी लावत जुगार खेळत असल्याची खात्रीशीर गुप्त माहिती पोलिसांना मिळाली. या माहितीच्या आधारे भद्रावती पोलिसांनी तात्काळ कारवाई करत घटनास्थळी छापा टाकला. यावेळी जुगार खेळत असलेले आरोपी रंगेहात सापडले.

या कारवाईत अटक करण्यात आलेल्या पोलीस सूत्रांकडून मीळालेल्या माहितीनुसार आरोपींची नावे घनश्याम शेषराव उताने (वय ५०, रा. मांगली), दिपक नथ्युजी बोथले (वय ३३, रा. वाघोडा), मारोती उर्फ नंदकिशोर महादेव झाडे (वय ४२, रा. पिरली) व हनुमान ज्ञानेश्वर देठे (वय ३५, रा. पिरली), ता. भद्रावती अशी आहेत.

या प्रसंगी पोलिसांनी आरोपींकडून रोख रक्कम ३ हजार १६० रुपये, डावावर ठेवलेली १ हजार २५० रुपये, जुगाराचे साहित्य, तसेच ०६ मोटारसायकली (अंदाजे किंमत ४ लाख २५ हजार रुपये) असा एकूण ४ लाख २९ हजार ५१० रुपयांचा मुद्देमाल जप्त केला असल्याची पण माहीती पोलीस सूत्रांकडून कळविण्यात आली.

या प्रकरणी भद्रावती पोलीस ठाण्यात महाराष्ट्र जुगार प्रतिबंधक कायद्यानुसार कलम १२ (अ) अन्वये गुन्हा दाखल करण्यात आला असून पुढील तपास सुरू असल्याची माहीती पण पोलीस सूत्रांकडून प्राप्त झाली.

ही कारवाई मा. पोलीस अधीक्षक मुमक्का सुदर्शन, मा. अपर पोलीस अधीक्षक ईश्वर काटकडे, मा. उपविभागीय पोलीस अधिकारी संतोष बावकल यांच्या मार्गदर्शनाखाली पोलीस निरीक्षक योगेश्वर पारधी यांच्या नेतृत्वात गुन्हे शोध पथकाचे प्रमुख पोउनि. गजानन तुपकर, सफौ. महेंद्र बेसरकर, अनुप आतकुलवार, जगदीश झाडे, विश्वनाथ चुदरी, गोपाल आतकुलवार, खुशाल कावळे, योगेश घाटोळे, संतोष राठोड यांनी केली.