✍️मनोज मोडक
भद्रावती:- नगर परिषद निवडणुकीत आंबेडकरी ऐक्याला मोठा धक्का बसला असून भिम आर्मी आणि समता सैनिक दलाच्या आंबेडकरी संघटनांमध्ये ऐक्य साधण्याच्या प्रयत्नांना स्थानिक राजकीय नेत्यांनी पाठ फिरवली आहे.
त्यामुळे भद्रावतीतील आंबेडकरी पक्ष स्वतंत्रपणे निवडणुकीत उतरण्याचा निर्णय घेत आहेत. बोडका समाजावर प्रभाव असलेल्या बहुजन पक्ष बी.एस.पी. आणि वंचित बहुज आघाडी यांच्या भूमिकांबाबतही संभ्रमाचे वातावरण निर्माण झाले असून या दोन्ही पक्षांकडून अजूनही स्पष्ट भूमिका जाहीर झालेली नाही.
भद्रावती नगर परिषद निवडणुकीच्या पार्श्वभूमीवर भिम आर्मी आणि समता सैनिक दलाने आंबेडकरी मतदारशक्ती एकत्र करण्यासाठी सर्व आंबेडकरी विचारधारेच्या संघटना व पक्षांना एकत्र येण्याचा “एकदिलाने निवडणूक लढवू” असा आग्रह धरला होता. मात्र, काही राजकीय नेत्यांनी वैयक्तिक स्वार्थ आणि स्वार्थमुळे ऐक्याच्या प्रस्तावाला विरोध दर्शविला. परिणामी, या संघटनांच्या ऐक्याच्या प्रयत्नांना धक्का बसून ते फसल्याचे जाणवू लागले आहे.
यामुळे आंबेडकरी मतदारांमध्ये असंतोष आणि नाराजीचे वातावरण तयार झाले असून कार्यकर्त्यांमध्ये “एकतेच्या नावाखाली मतांची वाटणी करून फायदाच इतरांना होत आहे” अशी टीका केली जात आहे. या प्रकारामुळे भद्रावतीतील आंबेडकरी पक्ष स्वतंत्रपणे निवडणूक लढवण्याच्या निर्णयावर उमेदवार आणि युवा कार्यकर्त्यांनी ठाम भूमिका मांडली असून “विचारांचा झेंडा आम्ही स्वातंत्रपणे फडकवू” अशी कटिबद्धता व्यक्त केली आहे.
दुसरीकडे, भद्रावती येथील बौद्ध समुदायातील मतदारसंघावर प्रभाव टाकणाऱ्या बी.एस.पी. आणि वंचित बहुजन आघाडी या दोन महत्त्वाच्या पक्षांकडून अजूनही निवडणुकीत कोणती भूमिका असणार याबाबत अनिश्चितता आहे. दोन्ही पक्षांनी स्पष्ट भूमिका घेण्यास टाळाटाळ केली आहे, ज्यामुळे या पक्षांचा पुढील सत्ताप्रवर्गातील कामगिरीबाबत स्थानिक राजकारणात भरपूर संभ्रम आणि शंका निर्माण झाल्या आहेत
भद्रावती नगरपालिका निवडणुकीत या ऐक्याच्या अभावामुळे कोणत्या पक्षाला अधिक फायदा होईल, आणि या विरोधाभासाचा परिणाम मतांच्या विभागणीवर कसा होईल याचा निर्णय पुढील काही दिवसात उमेदवार निव्वळ आणि मतदारांच्या प्रतिसादानुसार स्पष्ट होणार आहे. या प्रकरणामुळे भद्रावतीतील राजकीय समीकरणांमध्ये मोठे बदल होण्याची शक्यता वर्तवली जात आहे.
—
भद्रावती नगर परिषद निवडणुकीच्या पार्श्वभूमीवरचे मुद्दे:
- १)भिम आर्मी व समता सैनिक दलाच्या आंबेडकरी ऐक्याच्या प्रयत्नांना स्थानिक राजकीय नेत्यांचा विरोध.
२)‘एकदिलाने निवडणूक लढवू’ प्रस्ताव फसला; वैयक्तिक स्वार्थासाठी ऐक्याला अडथळे.
३)आंबेडकरी पक्ष स्वतंत्रपणे निवडणुकीत उतरू लागले.
४)बी.एस.पी. आणि वंचित बहुजन आघाडीची भूमिकाबाबत संभ्रम आणि अस्पष्टता.
५)आंबेडकरी मतदारांमध्ये नाराजी व असंतोष.
