उद्या ठरणार ‘नगरसेवक’…! आणि अनेकजण होतील थेट ‘माजी उमेदवार’!

भद्रावती (प्रतिनिधी):-नगर परिषद निवडणुकीचा निकाल उद्या जाहीर होणार असून, शहरात प्रचंड उत्सुकतेसोबतच हलकीशी हास्याची लाटही पसरलेली आहे. कारण प्रचाराच्या काळात जेवढे उमेदवार होते, तेवढेच भावी नगरसेवक नसणार, हे आता जवळपास सर्वांनाच माहीत झाले आहे.
दरम्यान प्रचारात पाच वर्षे न दिसलेले अचानक सर्वत्र दिसू लागले,.
प्रत्येकाने “मीच विकास केला” असा दावा केला,
एकाच रस्त्याचं श्रेय तीन-चार जणांनी घेतलं,
पण प्रत्यक्षात रस्ते, पाणी, नाल्या… सगळं जैसे थे!
नागरिकांतून आता स्पष्ट ऐकायला मिळत आहेत,
“उद्या नगर परिषद निवडणूक
निकाल नाही,
‘माजी उमेदवारांची अधिकृत
यादी’ जाहीर होणार आहे!”
मतदारांनी भाषणं ऐकली,
फ्लेक्स पाहिले,
हात जोडलेले फोटोही लक्षात ठेवले…
पण मतदानाच्या दिवशी मात्र आठवण पक्की ठेवली अशी चर्चा आहे.
उद्या निकालानंतर!
काही जण विजयी नगरसेवक म्हणून मिरवतील,
तर अनेकजण थेट ‘माजी उमेदवार’ या नव्या ओळखीमध्ये सामील होतील.
भद्रावतीचा आजचा मूड एका ओळीत..!
प्रचारात सगळेच नेते होते,
पण निकालानंतरच कळणार…
खरं तर नगरसेवक कोण आणि माजी उमेदवार कोण!