छत्रपती क्रीडा मंडळातर्फे नगराध्यक्ष प्रफुल चटकी यांचा सन्मान…!

मैदानातून नेतृत्वापर्यंतचा प्रवास...

भद्रावती :-शहराच्या क्रीडा क्षेत्रात मैदानावरून नेतृत्वापर्यंतच्या प्रवासाला अभिवादन करत छत्रपती क्रीडा मंडळाच्या वतीने भद्रावती नगरपालिकेचे नवे नेतृत्व ,विजयी झालेले नगराध्यक्ष प्रफुल चटकी यांचा त्यांच्या निवासस्थानी जाऊन सन्मान करण्यात आला. हा सन्मानप्रसंग सन्मानपूर्वक पार पडत शहरातील क्रीडा संस्कृतीला नवे बळ देणारा ठरला.
या विशेष प्रसंगी मंडळाच्या वतीने नगराध्यक्ष प्रफुल चटकी यांना राजे छत्रपती शिवाजी महाराजांच्या शिवरायांच्या प्रतीकाने गौरविण्यात आले. हे प्रतीक केवळ सत्कारापुरते मर्यादित नसून, शिस्त, संयम आणि नेतृत्व या मूल्यांचे प्रतीक असल्याचे मंडळाच्या पदाधिकाऱ्यांनी सांगितले. शिवरायांच्या आदर्शांप्रमाणे भद्रावतीतील खेळाडू आणि नेतृत्व घडावे, अशी अपेक्षा यावेळी व्यक्त करण्यात आली.
हासन्मान भद्रावती शहरातील खेळाडूंच्या मेहनतीला योग्य दिशा, सुविधा आणि पाठबळ मिळावा अशा भूमिकांतून मांडण्यात आला. शहरातील अनेक तरुण खेळाडू जिल्हा, राज्य व राष्ट्रीय स्तरावर आपली ओळख निर्माण करत असून, त्यांना योग्य व्यासपीठ आणि संधी मिळणे गरजेचे असल्याचे या सन्मानप्रसंगात स्पष्टपणे मांडण्यात आले.
तसेच खेळाडू घडवणे म्हणजे केवळ मैदानावर विजय मिळवणे नव्हे, तर त्यांच्यात शिस्त, संयम आणि नेतृत्वगुण रुजवणे होय, अशी महत्त्वपूर्ण भावना यावेळी व्यक्त करण्यात आली. हे विचार छत्रपती क्रीडा मंडळाच्या ध्येयाशी सुसंगत असून, मंडळ शहरातील क्रीडा विकासासाठी सातत्याने कार्यरत असल्याचे उपस्थितांनी नमूद केले.
या वेळी मंडळाचे मुख्य संयोजक शंकर बोरघरे, ज्येष्ठ खेळाडू व संघटक सागर मोरे, राष्ट्रीय खेळाडू धीरज पाशी, राष्ट्रीय खेळाडू सागर अंबाघरे तसेच मंडळातील सर्व सदस्य व खेळाडू मोठ्या संख्येने उपस्थित होते. मान्यवरांच्या उपस्थितीमुळे हा सन्मानप्रसंग अधिक अर्थपूर्ण ठरला.
या प्रसंगी नगराध्यक्ष प्रफुल चटकी यांनी सत्काराबद्दल आभार मानत, भद्रावतीतील खेळाडूंना सक्षम व्यासपीठ, मूलभूत सुविधा आणि आवश्यक प्रोत्साहन देण्यासाठी नगरपालिकेच्या माध्यमातून सकारात्मक सहकार्य राहील, असा ठाम विश्वास दिला.
उपस्थित मान्यवरांनी सांगितले की, छत्रपती क्रीडा मंडळाचा हा उपक्रम शहरातील क्रीडा संस्कृती अधिक बळकट करणारा ठरेल.