मुंबईत भाजयुमो प्रदेशाध्यक्ष कृष्णराज महाडिक यांची भेट; प्रदेश सचिव इम्रान खान यांच्यासोबत संघटना वाढीवर सविस्तर चर्चा..
युवकांना मोठ्या प्रमाणात जोडण्यावर भर.
चंद्रपूर, न्यूज डेस्क.
मुंबईतील नरिमन पॉईंट येथील भाजप महाराष्ट्र प्रदेश कार्यालयात भारतीय जनता युवा मोर्चाचे नवनियुक्त प्रदेशाध्यक्ष कृष्णराज महाडिक यांची भाजयुमोचे प्रदेश इम्रान खान यांनी भेट घेतली.
या भेटीत चंद्रपूर जिल्हा ग्रामीण भागातील संघटनात्मक कामकाज आणि पुढील नियोजनावर सविस्तर चर्चा करण्यात आली.
या भेटीदरम्यान जिल्ह्यातील कार्यकर्त्यांची स्थिती, त्यांचे कामकाज, युवकांचा सहभाग आणि आगामी काळात युवा मोर्चाच्या माध्यमातून राबविण्यात येणाऱ्या कार्यक्रमांबाबत चर्चा झाली. संघटना अजून मजबूत करण्यासाठी युवकांना मोठ्या प्रमाणात जोडण्यावर विशेष भर देण्यात आला.
तसेच इम्रान खान हे सातत्याने कार्यकर्त्यांशी संपर्क ठेवून काम करतात. ते थेट युवकांशी संवाद साधतात आणि त्यांच्या अडचणी समजून घेऊन त्यावर काम करण्याचा प्रयत्न करतात. त्यामुळे चंद्रपूर जिल्हा ग्रामीण भागात अनेक युवक भाजयुमोमध्ये सहभागी होत असून संघटनेची ताकद वाढताना दिसत आहे.
नवीन कार्यकर्त्यांना संधी देणे, त्यांना सक्रिय करणे आणि संघटना मजबूत करणे यावर त्यांनी विशेष लक्ष दिले आहे. युवक मेळावे, बैठका आणि विविध उपक्रमांच्या माध्यमातून त्यांनी संघटनेला गती देण्याचे काम सुरू ठेवले आहे.
भेटीदरम्यान इम्रान खान यांनी प्रदेशाध्यक्ष कृष्णराज महाडिक यांना पुढील वाटचालीस शुभेच्छा दिल्या. तसेच संघटना अधिक सक्षम करण्यासाठी पूर्ण क्षमतेने काम करण्याचा विश्वास व्यक्त केला.
याशिवायही कृष्णराज महाडिक यांनीही युवकांच्या माध्यमातून संघटना वाढवण्यावर भर देत कार्यकर्त्यांना सक्रिय राहण्याचे आवाहन केले. चंद्रपूर जिल्हा ग्रामीण भागात होत असलेल्या कामाचे त्यांनी कौतुक केले.
या भेटीमुळे चंद्रपूर जिल्ह्यात भाजयुमोच्या कार्याला नवी दिशा मिळण्याची अपेक्षा व्यक्त होत आहे. युवकांचा वाढता सहभाग आणि संघटनात्मक कामकाजामुळे आगामी काळात भाजयुमो अधिक मजबूत होईल, असे चित्र दिसत आहे.
एकूणच, जनतेशी संपर्क, युवकांवर भर आणि नियोजनबद्ध कामकाज यांच्या आधारावर इम्रान खान यांच्या माध्यमातून भाजयुमोची संघटना ग्रामीण भागात वाढत असल्याचे स्पष्ट होत आहे.
