“दिवसा उद्योगनगरीचे स्वप्न… रात्री प्लॉटचे व्यवहार!” ; भद्रावतीत ‘संत्या खावकार दलाल’ चर्चेचा सुपरहिट विषय
भद्रावती प्रतिनिधी, न्यूज ✍️
भद्रावती तालुक्यात सध्या “मोठा प्रकल्प येणार जागा घेणार ” या चर्चेपेक्षा “संत्या खावकार दलाल” यांचीच हवा अधिक असल्याचे चित्र पाहायला मिळत आहे. कारण काय तर दहा बाय दहा खोलीची जागा थेट ३ लाख ५० हजार रुपयांत विकल्याची चर्चा आता चहाच्या टपरीपासून गावच्या चौकापर्यंत पोहोचली आहे.
विशेष म्हणजे, “मोठा प्रकल्प येणार… आज प्लॉट घ्या, उद्या करोडपती व्हा!” अशी स्वप्ने दाखवत काहींनी जागा विकत घेतली. मात्र आता “प्रकल्पच ती जागा घेणार नाही” अशी चर्चा सुरू झाल्याने अनेकांच्या चेहऱ्यावरचे उद्योगनगरीचे स्वप्न थेट ग्रामपंचायतीत उतरल्याचे दिसत आहे.
गावात सध्या भन्नाट चर्चा सुरू आहे
“जागा छोटी… भाव मोठा… आणि स्वप्न थेट दुबईच्या रेटमध्ये!”
काही नागरिक तर मिश्किलपणे म्हणत आहेत
“दहा बाय दहा खोली नाही… तर बहुतेक प्लॉटसोबत चंद्रावरचा तुकडाच मिळत असावा!”
दरम्यान, मोठ्या प्रकल्पाचे नाव पुढे करून काहींनी स्वतःचीच ‘रिअल इस्टेट इंडस्ट्री’ सुरू केल्याची उपरोधिक चर्चा रंगत आहे.
“पहिले प्लॉट घ्या… मग प्रकल्प येईल… नाही आला तर पुढच्या पिढीला तरी सांगायला गोष्ट राहील!” अशी टोलेबाजीही रंगू लागली आहे.
तर काही जण आता विनोदाने म्हणू लागले आहेत
“भद्रावतीत उद्योग आला नाही तरी चालेल… पण प्लॉटच्या चर्चांनी मनोरंजन मात्र फुल्ल झाले!”
स्थानिक नागरिक प्रशासनाकडे मागणी करत आहेत की
संबंधित प्रकल्पाबाबत स्पष्ट अधिकृत माहिती जाहीर करावी
प्लॉट व्यवहारांची पडताळणी करावी
आणि ‘स्वप्नांच्या स्कीम’ चालवणाऱ्यांवर लक्ष ठेवावे
सध्या मात्र तालुक्यात एकच डायलॉग जोरात फिरत आहे
“प्रकल्प येईल की नाही माहित नाही… पण चर्चा मात्र फुल्ल डेव्हलप झाली आहे!”
टीप :- सदर बातमीतील ‘संत्या खावकार दलाल’ हे नाव तसेच इतर उल्लेख पूर्णतः काल्पनिक असून ही बातमी केवळ विनोदी व उपरोधिक शैलीत सादर करण्यात आलेली आहे. कोणत्याही व्यक्ती, संस्था किंवा प्रकल्पाशी याचा संबंध नाही.
