अधिकाऱ्यांच्या नाकाखाली कचऱ्याचा डोंगर! जिल्हा महिला व बाल विकास विभाग कार्यालयालगत घाणाचं साम्राज्य

चंद्रपूर: जिल्हा महिला व बाल विकास विभाग अधिकारी कार्यालयाच्या शेजारीच झुडपांत साचलेला कचरा, माती, प्लास्टिक आणि घाणीचे ढीग. जणू प्रशासनालाच थेट चपराक! सरकारी कार्यालयाला लागून अशी अस्वच्छता म्हणजे संबंधित विभागांच्या निष्क्रियतेचं जिवंत उदाहरण.
जवळपास दररोज हजारो नागरिक ये-जा करत असताना, त्यांच्या डोळ्यांसमोरच हा कचरा वाढत चालला आहे. तक्रारी करूनही स्वच्छता विभाग कानाडोळाच करत आहे.
सरकारी कार्यालयाच्या आवारालगत इतका कचरा साठणं ही थेट प्रशासनाच्या निर्लज्ज दुर्लक्षाची पराकाष्ठा आहे.
नागरिकांचा थेट सवाल करीत आहेत,
“स्वच्छता दाखवायची फक्त कागदावर? प्रत्यक्षात कचरा साठू द्यायचा?”
जबाबदारी टाळण्याऐवजी तातडीने कचरा हटवून परिसर स्वच्छ करावा, अशी जोरदार मागणी नागरिकांकडून जोर धरत आहे.