भद्रावती:- शहरातील नागरिकांच्या सेवेसाठी समर्पित असलेले नवीन जनसंपर्क कार्यालयाचे लोकार्पण मोठ्या उत्साहात पार पडले. या नव्या कार्यालयातील कामकाजातून स्थानिक नागरिकांच्या विविध अडचणींना तत्काळ सोडवणूक करण्यावर भर देण्यात येणार असून, स्व. बाळूभाऊ धानोरकर यांच्या लोकसेवेच्या विचारांना व नगरसेवेला नवे प्रोत्साहन मिळेल, असे मत उपस्थितांनी व्यक्त केले.
यावेळी काँग्रेस पक्षाचे चंद्रपूर जिल्हा उपाध्यक्ष अहेतेशाम अली, तालुका अध्यक्ष प्रशांत काळे, शहराध्यक्ष सुरज गावंडे, वरोरा शहराध्यक्ष विलास टिपले, महिला काँग्रेस तालुकाध्यक्ष संध्या पोळे, शहराध्यक्षा सरिता सूर यांसह अनेक पदाधिकारी, कार्यकर्ते व उमेदवार मोठ्या संख्येने उपस्थित होते. त्यांनी या कार्यालयाला लोकसेवेचा केंद्रबिंदू बनविण्याचा निर्धार व्यक्त केला.
प्रसंगी लोक प्रत्यक्ष भेट देऊन स्थानिक प्रश्न, तक्रारी आणि अडचणी मांडू शकतील; यासाठी हे कार्यालय दिवसरात्र उपलब्ध राहणार आहे. नागरिकांच्या हक़्कांची आणि सेवा सुनिश्चित करण्याची जबाबदारी ही नव्या कार्यालयावर उभी राहणार आहे, असे उद्घाटनादरम्यान सांगण्यात आले. स्व. बाळूभाऊ धानोरकर यांचे लोकसेवा मन आणि आजच्या युगातील प्रशासनातील संवाद अधिक सशक्त करण्यासाठी हा उपक्रम मोलाचा ठरेल, असेही ज्येष्ठ नेत्यांनी मत स्पष्ट केले.
या कार्यालयाद्वारे शहरातील विकासकार्यांशी निगडीत मागण्यांची पूर्तता आणि त्वरित निवारण यावर विशेष लक्ष दिले जाणार आहे. याउलट नागरिकांचा विश्वास वाढविण्यासाठी सुरळीत व व्यावसायिक सेवाही देण्यात येणार असल्याचे आश्वासन देण्यात आले.
