५० रुपयांचा प्रेसकार्ड… आणि शहरात भूकंप! जेल, धमक्या, वसुली अन् ओव्हरॲक्टिंग चंद्रपूरच्या चार झोलाशाप पत्रकारांचा ‘महानाट्य’

चंद्रपूर :-
पडदा उघडतो…
हातात फक्त ५० रुपयांचा प्रेसकार्ड,
छातीत अवाजवी आत्मविश्वास,
तोंडात एकच संवाद “मी पत्रकार आहे!”
आणि डोक्यात मात्र वसुलीची स्क्रिप्ट!
चंद्रपूर शहरात सध्या सुरू असलेला हा प्रकार बातमी नाही,
तर पूर्ण लांबीचा हास्यास्पद,
धक्कादायक नाट्यप्रयोग ठरत आहे.
पहिला अंक ..!
जेलवारी
चार झोलाशाप पत्रकार…
पोलिसांनी जाळे टाकले…
हातकड्या चमकल्या…
नागरिकांनी सुटकेचा श्वास घेतला…
सर्वांना वाटलं ..“नाटक संपलं!”
पण नाही…!
इंटरव्हलही पडला नाही!
दुसरा अंक..!
जेलमधून थेट ‘कमबॅक’
जेलमधून बाहेर पडताच
न पश्चात्ताप…
न सुधारणा…
फक्त प्रेसकार्ड खिशात आणि वसुली पुन्हा हातात!
जणू काही जेल नव्हे,
तर रिहर्सल क्लासच झाला होता!
तिसरा अंक ..!
अधिकारी त्रस्त
शासकीय..!
निमशासकीय कार्यालयांत
धडाधड एंट्री…
आवाज जड, चेहरा कडक…
“बातमी टाकतो सांगू?”
हा डायलॉग ऐकून अधिकारी गोंधळले,
कर्मचारी वैतागले,
आणि खरी पत्रकारिता… लाजेने मान खाली घालून उभी राहिली.
चौथा अंक..!गडचिरोली ते यवतमाळ..!
चंद्रपूरमध्ये प्रेक्षक कंटाळले…
मग नाटककारांनी ठरवलं..!
“नवं जिल्हा, नवं स्टेज!”
आता हा तमाशा थेट यवतमाळकडे
जणू पत्रकारिता नाही,
तर फिरती ड्रामा कंपनी!
संवाद जो शहरात गाजतोय..कसा!
एका कर्मचाऱ्याचा डायलॉग सध्या व्हायरल आहे
“५० रुपयांचा प्रेसकार्ड,
पण रुबाब ५०० चा!
हा पत्रकार आहे की स्टँड-अप कॉमेडियन?”
शेवटचा अंक कसा हे पण बघा..!
नागरिकांचा संताप,,,नागरिक आता हसत नाहीत,
ते थेट सवाल विचारत आहेत.
“जेलमधून येऊनही शहाणपण नाही?”
“प्रेसकार्ड आहे की लोकांना घाबरवण्याचा परवाना?”
“ही पत्रकारिता की विनोदी वसुली योजना?”
क्लायमॅक्स तर बघा…!
शहराची एकमुखी मागणी
या महानाट्यावर आता पडदा टाका..!
प्रेसकार्डचा गैरवापर थांबवा;
आणि खरी पत्रकारिता वाचवा
कारण…!
पत्रकारिता ही समाजाचा आरसा आहे,
आणि ५० रुपयांचा प्रेसकार्ड
कोणाच्याही हातात नाट्यमय शस्त्र होऊ नये!
नाटक खूप झालं… आता ‘एन्ड क्रेडिट्स’ लागावेत!

✍️सहाय्यक संपादक:-प्रमोद दुबे