सेवेचा वसा घेऊन थेट जनतेत; जनसेविका सोनल देवतळे मैदानात

चंद्रपूर. न्यूज डेस्क✍️

चंद्रपूर महानगरपालिका निवडणूक २०२५तसेच २६ करीता  प्रभाग क्रमांक ८ (अ) मधून सौ. सोनल प्रकाश देवतळे यांनी आपली उमेदवारी जाहीर केली आहे. त्या भारतीय जनता पार्टी कडून निवडणूक लढवत असून त्यांचे निवडणूक चिन्ह कमळ आहे.

त्या ओबीसी महिला प्रवर्गातील उमेदवार आहेत.
सामान्य कुटुंबातून पुढे आलेल्या सौ. सोनल प्रकाश देवतळे यांनी आई, सून आणि लेक या भूमिका निभावताना जनतेच्या रोजच्या अडचणी अगदी जवळून पाहिल्या आहेत. घर-संसार सांभाळत समाजातील प्रश्न समजून घेत, “फक्त बोलायचं नाही तर करून दाखवायचं” या ठाम भूमिकेतून त्यांनी जनसेवेचा वसा स्वीकारला आहे.

 या माध्यमातून वडगाव प्रभागात पाणीपुरवठा, स्वच्छता, रस्ते, नाल्या, ओपन स्पेसचे सौंदर्यीकरण, शिक्षण तसेच महिला व युवकांच्या प्रश्नांवर प्रत्यक्ष काम करण्यात आले आहे. लोकांशी थेट संवाद, समस्या ऐकून घेणे आणि त्यावर सातत्याने पाठपुरावा करणे ही त्यांची काम करण्याची सरळ व रोखठोक पद्धत आहे.
याशिवाय B.Sc., D.Ed. या शैक्षणिक पात्रतेच्या जोरावर शिक्षण सुधारणा, महिलांचे सबलीकरण आणि युवकांचा विकास यासाठी ठोस काम करण्याचा त्यांचा निर्धार आहे. प्रभागाचा पारदर्शक, नियोजनबद्ध आणि सर्वांगीण विकास हेच आपले मुख्य उद्दिष्ट असल्याचे त्या ठामपणे सांगतात.
दरम्यान, प्रभागातील मतदारांनी विश्वास दाखवून मतदानातून सेवा करण्याची संधी द्यावी, असे आवाहन जनसेविका सौ. सोनल प्रकाश देवतळे यांनी केले आहे.