“बसस्टॉप की खर्रा दरबार?”
“कोल्हा राजा”च्या साम्राज्यात वाहतूक बंद… खर्रा चालू!
“पहिले खर्रा घ्या… मग रस्ता शोधा!” कोल्हा राजाचा नवा फॉर्म्युला
न्यूज डेस्क ✍️
एका शहरात मुख्य बसस्टॉपसमोर एक चलाख कोल्हा राहत होता.
जंगलात शिकार करून त्याचं पोट भरत नव्हतं, म्हणून शहरात येऊन त्याने पानटपरी सुरू केली.
सुरुवातीला टपरी साधी होती.
पण एक दिवस त्याला “खर्रा” नावाचा जादुई पदार्थ सापडला… आणि त्यानंतर त्याचं नशीब इतकं चमकलं की, बसस्टॉपपेक्षा त्याची टपरीच जास्त प्रसिद्ध झाली!
सकाळपासून रात्रीपर्यंत ग्राहकांची गर्दी.
कोणी दुचाकी रस्त्याच्या मध्ये उभी करायचं…
कोणी चारचाकी आडवी लावायचं…
मागे हॉर्नचा आवाज असा, जणू बँडबाजा सुरू आहे!
कोल्हा मात्र सिंहासनासारख्या खुर्चीत बसलेला.
डोळ्यावर काळा गॉगल…
गळ्यात सोन्याच्या चैन…
आणि हातात खर्र्याची पुडी!
तो रोज अभिमानाने म्हणायचा
“जंगलात सिंह राजा असेल… पण शहरात खर्रा राजा मीच!”
इतक्यात एक खाजगी बस आली.
बसस्टॉप रिकामा होता… पण बस थेट टपरीसमोर थांबली.
कंडक्टर ओरडला
“प्रवाशांनो! दहा मिनिटांचा खर्रा ब्रेक!”
प्रवासी धावत उतरले.
कोणी मसाला खर्रा घेतला…
कोणी स्पेशल…
तर एकाने “फॅमिली पॅक” मागितला!
मागे वाहतूक जाम झाली.
एक बाइकस्वार वैतागून ओरडला
“अहो! आम्ही जाऊ कुठून?”
त्यावर कोल्हा हसत म्हणाला
“पहिले खर्रा घ्या… मग रस्ता आपोआप दिसेल!” 🚬
तेवढ्यात अन्न व औषध प्रशासन विभागाची गाडी आली.
जनतेला वाटलं “आता कोल्ह्याची खैर नाही!”
पण अधिकारी खाली उतरले आणि हळूच विचारू लागले
“भाई… सात नंबर स्पेशल आहे का?”
हे पाहून जनता डोकं धरून बसली.
एक आजोबा मिश्किल हसत म्हणाले
“पूर्वी इथे बस पकडायला लोक यायचे…
आता खर्रा पकडायला येतात!”
संध्याकाळी कोल्हा पैशांच्या नोटा मोजत म्हणाला
“या शहरात सिग्नल बंद चालेल…
पण खर्रा बंद झाला तर आंदोलन होईल!”
आणि तेव्हापासून त्या चौकाचं नाव पडलं
“खर्रा चौक बसपेक्षा पुडी फास्ट!” 🚏🚬
सूचना:-
वरील संपूर्ण कथा, पात्रे, संवाद आणि प्रसंग हे पूर्णपणे हास्यास्पद व्यंगात्मक स्वरूपात लिहिलेले काल्पनिक साहित्य आहे.
याचा कोणत्याही व्यक्ती, व्यवसाय, विभाग, संस्था किंवा वास्तविक घटनेशी थेट अथवा अप्रत्यक्ष संबंध नाही.
समाजातील काही विसंगती, वाहतूक कोंडी, सार्वजनिक ठिकाणांवरील गोंधळ आणि लोकांच्या सवयी यावर हलक्याफुलक्या शैलीत व्यंगात्मक भाष्य करण्याचा हा निव्वळ साहित्यिक प्रयत्न आहे.
कृपया याकडे विनोदी आणि काल्पनिक दृष्टिकोनातूनच पाहावे.
