आमदार करण देवतळे यांच्या नेतृत्वावर विश्वास; किशोर गोवारदिपे यांच्याकडे भाजपा भद्रावती शहराची धुरा

शहराध्यक्षपदी नियुक्ती; वरिष्ठ नेतृत्वाचे आभार मानत संघटन मजबूत करण्याचा निर्धार

भद्रावती,  न्यूज डेस्क , शंकर बोरघरे
९५५२६१२५५५

भारतीय जनता पक्षाच्या भद्रावती शहर मंडळाच्या अध्यक्षपदी किशोर गोवारदिपे यांची नियुक्ती करण्यात आली आहे. भाजपा ग्रामीण चंद्रपूर जिल्हाध्यक्ष हरीश शर्मा यांनी २८ ऑगस्ट २०२६ रोजी नियुक्तीपत्र देत गोवारदिपे यांच्यावर भद्रावती शहर संघटनेची महत्त्वपूर्ण जबाबदारी सोपविली आहे.

या नियुक्तीमुळे भद्रावती शहरातील भाजपा संघटनेला नवे नेतृत्व मिळाले असून, पक्षाची संघटनात्मक ताकद वाढविणे, कार्यकर्त्यांना एकत्रित घेऊन पक्षाचे काम तळागाळापर्यंत पोहोचविणे आणि आगामी काळात संघटनेला अधिक गतिमान करण्याचे आव्हान किशोर गोवारदिपे यांच्यासमोर असणार आहे.

नियुक्तीनंतर प्रतिक्रिया व्यक्त करताना किशोर गोवारदिपे म्हणाले, “माझ्यावर विश्वास दाखवत भद्रावती शहराध्यक्षपदाची जबाबदारी सोपविल्याबद्दल  हंसराज अहीर, आमदार करण संजय देवतळे, जिल्हाध्यक्ष हरीशजी शर्मा तसेच सर्व वरिष्ठ नेते, पदाधिकारी आणि कार्यकर्त्यांचे मनःपूर्वक आभार. पक्षाने माझ्यावर दाखविलेला विश्वास ही माझ्यासाठी मोठी जबाबदारी आहे. हा विश्वास सार्थ ठरविण्यासाठी पूर्ण निष्ठेने आणि प्रामाणिकपणे काम करणार आहे.”

“भद्रावती शहरातील भाजपा संघटना ही कार्यकर्त्यांच्या मेहनतीवर उभी आहे. त्यामुळे सर्व ज्येष्ठ पदाधिकारी, अनुभवी कार्यकर्ते, युवा कार्यकर्ते आणि पक्षाच्या प्रत्येक घटकाला सोबत घेऊन संघटना मजबूत करण्याचा माझा प्रयत्न राहील. पक्षाच्या प्रत्येक कार्यकर्त्याला सन्मान देऊन त्याच्या अडचणी आणि सूचना जाणून घेत संघटनेचे काम पुढे नेणार आहे,” असे गोवारदिपे यांनी सांगितले.

आमदार करण संजय देवतळे यांच्या नेतृत्वाबाबत बोलताना गोवारदिपे म्हणाले, “वरोरा विधानसभा मतदारसंघात आमदार करण संजय देवतळे यांच्या नेतृत्वाखाली भाजपा संघटनेला नवी ऊर्जा मिळत आहे. कार्यकर्त्यांशी सातत्याने संपर्क ठेवून संघटन मजबूत करण्यासाठी त्यांचे मार्गदर्शन महत्त्वाचे आहे. भद्रावती शहरातील पक्ष संघटना मजबूत करण्यासाठी त्यांच्या नेतृत्वाचा आणि मार्गदर्शनाचा निश्चितपणे लाभ घेऊ. आमदार करण देवतळे यांच्या नेतृत्वाला अधिक बळ देण्यासाठी सर्व कार्यकर्त्यांना सोबत घेऊन काम करणार आहे.”

“शहरातील प्रत्येक बूथ मजबूत करणे, पक्षाची विचारधारा तळागाळापर्यंत पोहोचविणे, नव्या कार्यकर्त्यांना पक्षाच्या संघटनेशी जोडणे आणि नागरिकांशी सातत्याने जनसंपर्क ठेवणे याला प्राधान्य देण्यात येईल. भाजपा हा केवळ राजकीय पक्ष नसून जनतेच्या प्रश्नांसाठी काम करणारे संघटन आहे. त्यामुळे नागरिकांच्या समस्या जाणून घेऊन त्या सोडविण्यासाठी पक्षाच्या माध्यमातून प्रभावीपणे पाठपुरावा केला जाईल,” असेही त्यांनी स्पष्ट केले.

भद्रावती शहरातील केंद्र व राज्य शासनाच्या विविध योजनांची माहिती सर्वसामान्य नागरिकांपर्यंत पोहोचविण्यासोबतच पक्षाचे विविध कार्यक्रम प्रभावीपणे राबविणे, बूथनिहाय संघटनात्मक बांधणी करणे आणि कार्यकर्त्यांमध्ये समन्वय वाढविणे यावर विशेष भर देण्यात येणार आहे.

“पक्षाची विचारधारा तळागाळातील प्रत्येक घटकापर्यंत पोहोचविणे ही माझी प्राथमिकता आहे. संघटनेत कोणताही कार्यकर्ता दुर्लक्षित राहणार नाही, याची काळजी घेऊ. सर्वांना विश्वासात घेऊन निर्णय घेण्याची आणि सर्वांच्या सहकार्याने पक्षाचे काम पुढे नेण्याची भूमिका राहील,” असे किशोर गोवारदिपे यांनी सांगितले.

या नियुक्तीनंतर  हंसराज अहीर, माजी अध्यक्ष राष्ट्रीय मागासवर्ग आयोग  भारत सरकार नवी दिल्ली तथा माजी केंद्रीय गृह राज्यमंत्री, आमदार करण संजय देवतळे वरोरा विधानसभा मतदारसंघ आणि भाजपा ग्रामीण चंद्रपूर जिल्हाध्यक्ष हरीशजी शर्मा यांच्यासह भाजपा पदाधिकारी व कार्यकर्त्यांनी किशोर गोवारदिपे यांचे अभिनंदन केले.

यावेळी रघुवीर अहिर, चंद्रकांत गुंडावार, अशोक हजारे, रवी शिंदे, अनिल धानोरकर यांच्यासह भाजपा पदाधिकारी व कार्यकर्ते उपस्थित होते.

किशोर गोवारदिपे यांनी पुढे सांगितले, “वरिष्ठ नेतृत्वाने माझ्यावर दाखविलेला विश्वास आणि कार्यकर्त्यांनी दिलेले प्रेम हीच माझी खरी ताकद आहे. या विश्वासाला कधीही तडा जाऊ न देता पक्षाच्या संघटनेच्या वाढीसाठी सातत्याने काम करणार आहे. आमदार करण देवतळे यांचे नेतृत्व, वरिष्ठांचे मार्गदर्शन आणि कार्यकर्त्यांचे सहकार्य घेऊन भद्रावती शहरात भाजपा संघटनेला अधिक सक्षम आणि प्रभावी बनविण्यासाठी पूर्ण ताकदीने प्रयत्न करणार आहे.”

किशोर गोवारदिपे यांच्या नियुक्तीचे भाजपा कार्यकर्त्यांकडून स्वागत करण्यात येत असून, त्यांच्या नेतृत्वाखाली भद्रावती शहरातील भाजपा संघटनेला नवी दिशा आणि ऊर्जा मिळण्याची अपेक्षा व्यक्त केली जात आहे. आमदार करण संजय देवतळे यांच्या नेतृत्वाला संघटनात्मक बळ देत भद्रावती शहरातील भाजपा संघटना अधिक सक्षम करण्याची जबाबदारी आता किशोर गोवारदिपे यांच्या खांद्यावर आली आहे.

शंकर बोरघरे
९५५२६१२५५५