माजरी ग्राम पंचायत लिपिक भरतीचा भलता खेळ! “त्या ” भागयवानाला ९४ मार्क्स..! पेपरफुटीचा भीषण आरोप, भरती रद्द करा नाहीतर आमरण उपोषण; अन्यायग्रस्तांचा ठाक-ठोक इशारा

भद्रावती(प्रतीनीधी):-माजरी ग्राम पंचायतने लिपिक भरतीच्या नावाखाली उघडपणे धिंगाणा घातला, असा स्फोटक आरोप परीक्षार्थ्यांनी पत्रपरिषदेत करत ग्रामपंचायतीचे कान ऐकू जाईपर्यंत इशारा दिला,
“ही भरती रद्द झाली नाही तर आम्ही रस्त्यावर पडू, आमरण उपोषण अन् तीव्र आंदोलनाला सुरुवात होईल!”
तीन वर्षे पद रिक्त, आणि निवडणुकीच्या तोंडावरच ‘घाईघाईत’ भरती!
तिन वर्षे पद रिकामे ठेवून नुसते धूळ खात ठेवले…
आणि निवडणुकीची चाहूल लागताच अचानक जाहिरात!
हा ‘योगायोग’ की ‘ठरलेला कार्यक्रम’?
परीक्षार्थ्यांनी प्रश्न थेट पोटात खुपसला.
हॉलतिकिटे फक्त २ दिवस आधी अभ्यासक्रम नाही, मार्गदर्शक सूचना नाही… काहीच नाही!
ही भरती प्रक्रिया नसून अकार्यक्षमतेचा चारचौघात तमाशा असल्याचे परीक्षार्थ्यांचे म्हणणे.
अभ्यासक्रम नाही, विषय नाही, सूचना नाही.
मग परीक्षा कशावर घेतली? आजमावण्यावर की जमवण्यावर?
१५ परीक्षार्थी, एकाला ९४, इतर तयारीवाल्यांना ७२!
हा चमत्कार की चेहऱ्यावर उघड केलेला पक्षपात?
सहा-सहा वर्षे अभ्यास करणाऱ्याला ७२
आणि एका ‘भाग्यवानाला’ ९४
यावर परीक्षार्थ्यांचा थेट आरोप,
“हा निकाल नाही… हे तर तयार केलेलं स्कोरकार्ड!”
पेपर परीक्षा होण्याआधीच बाहेर फिरत होता.
थेट पेपरफुटीचा आरोप
परीक्षार्थ्यांनी सर्वात मोठा स्फोट केला.
“परीक्षेचा प्रश्नपत्रिका आधीच बाहेर होती. हा सरळ सरळ गैरप्रकार आहे.”
ग्रामपंचायतीला आम्ही सरळ आव्हान देतो.
परीक्षा रद्द करा!
नाहीतर आम्हीच रद्द करू तुमची शांतता!
अन्यायग्रस्त परीक्षार्थ्यांनी स्पष्ट शब्दांत मागणी केली,
“पुनर्परीक्षा पंचायत समिती किंवा जिल्हा परिषद स्तरावरच. ग्रामपंचायत स्तरावर नाही कोणत्याही परिस्थितीत नाही!”
मुख्य कार्यकारी अधिकाऱ्यांकडे तक्रार दाखल असून
चौकशी सुरू करण्याचे त्यांनी आश्वासन दिल्याची माहिती परीक्षार्थ्यांनी दिली.
पत्रपरिषदेला अविनाश जीवतोडे, मिलिंद शेंडे, रितेश चिकटे, विजया रामटेके, सिलू सिंग आणि विस्मय बहादे उपस्थित होते.